則魚涌樹林研習徑館

今日雖然仍然好病, 但都一早起身同媽媽家姐一起行山, 這次選擇一條好容易行的路"柏架山"...
早上天氣好涼又乾, 行得好辛苦, 要經常飲水, 因為喉嚨好痛...

沿柏架山道上, 會經過一間好舊的紅磚屋...



柏架山道有好多老人家和一家大細行...

對面有一個亭, 不過唔知叫什麼名, 每次經過都想影下來, 因為真係好靚!!!



請參考則魚涌樹林研習徑館

龍仔悟園

因為從朋友口中得知龍仔悟園有一條好靚的九曲橋, 所以今日決定去行一趟, 整個行程係依照一個網站資料去行...

親 親 大 自 然 ☆
推 介 郊 遊 好 去 處

當中還有好多好去處!!!

今早9:30am我和朋友係東涌搭11號巴士去大澳, 大約10:10am我們係"羌山龍仔站"中途下車, 下車時要小心留意左邊山上的"觀音寺牌坊", 如果唔係, 就好容易錯過下車的機會, 雖然車上有好多人, 但原來得我倆下車...








途中會路經"西來意齋堂", 根據網站資料, 應該攔封左, 但我倆見到"沒有", 心想既然來到, 又重開, 就膽粗粗行上去, 行過門檻, 就聽到三隻狗不斷吠, 我倆當然不怕, 繼續向前行, 行到"西來意齋堂"下面, 狗隻們還是不斷吠, 心裡有少少想離開, 突然聽到一把聲音同我倆講, "不用怕, 它們已經縛住左, 上來啦", 咁樣我倆就正式踏入"西來意齋堂", 原來剛剛同我倆說話的大師法號"釋法印", 她好有善, 還給我倆送上兩杯茶, 她說以前好多人在這裡食齋, 近來因為龍仔悟園日久失修, 怕有危險因而封左, 所以少左好多人途經亦少左人食齋, 這裡可以開六圍?, 每圍10人, 只係HK$700, 都唔算貴, 希望有機會在"西來意齋堂"食一次齋. ^__^ 同大師說一聲再見就離開"西來意齋堂"...

釋法印
tel: 2985 5295
mob: 9326 0790












繼續向龍仔悟園進發, 當中有兩個指示牌註明往萬丈布, 好快就行到龍仔悟園...

好可惜, 真的封左, 我倆偷偷潛入去看九曲橋, 發現真的好殘舊, 石柱還露出鋼筋... >__< 影左幾張相之後, 沿路去正門看一看...

入面有一個園丁, 我倆入去問他:"可以入內參觀嗎?", 他回應:"
可以, 不過要小心一點", 再去九曲橋睇下, 原來係可以行上去九曲橋, 外面唔可以入去, 但可以由正門入去... ^___^

睇下相先!!!










入面真的好舊, 看得出無做任何保養, 好可惜... >___< 影完相之後, 要行一小段回頭路, 去大澳方向完結今日行程, 後面是一段好長好斜的路, 小心, 真的好斜... >__<

到達大澳時間大約12:15pm... 全程見左三個人, 兩個小時包括影相同大師傾計, 行程好短, 除左最後一段斜路比較辛苦之外都好好行! ^___^

到左大澳, 當然去睇下水上鐵皮屋, 同食豆腐花...